नाशिक रोड आय एम ए तर्फे डॉक्टर्स डे निमित्त सत्कार सोहळा संपन्न

डॉक्टर्स डे चे औचित्य साधून आय एम ए नाशिक रोड तर्फे जेष्ठ डॉक्टरांना पुरस्कार प्रदान करण्यात आले. या भव्यदिव्य समारंभाचे प्रमुख पाहुणे म्हणून नाशिक जिल्हा सिव्हिल सर्जन डॉ. अशोक थोरात हे उपस्थित होते. नाशिक रोड आयएमए अध्यक्ष डॉ स्वप्नांजली आव्हाड यांनी उपस्थितांचे स्वागत केले तसेच संस्थेच्या पुढील वाटचालीबद्दल माहिती दिली. वैद्यकीय क्षेत्रात उल्लेखनीय कामगिरी करणाऱ्या व आयुष्यभर रुग्णसेवेत स्वतःला झोकून देणाऱ्या पाच जेष्ठ डॉक्टरांना जीवन गौरव पुरस्कार व वैद्यकीय उत्कृष्टता पुरस्कारांनी सन्मानित करण्यात आले.

जीवनगौरव पुरस्काराने सन्मानित डॉक्टरांमध्ये नाशिकरोड येथील डॉ. सीताराम गावित, डॉ. सुभाष काळदाते, डॉ. विलास शिंदीकर, डॉ. प्रतिभा उप्पलवार यांचा समावेश आहे तर डॉ. नम्रता मित्तल यांना वैद्यकीय उत्कृष्ठता पुरस्काराने गौरविण्यात आले. त्यांचे गौरवपत्र लेखन डॉ. राजीव पाठक यांनी तर वाचन डॉ. राजेश्री पाठक यांनी केले. सन्मानार्थी डॉक्टरांनी त्याच्या वैद्यकीय कारकिर्दीत केलेल्या कार्याचा व आलेल्या अडीअडचणींचा उल्लेख करून उपस्थित डॉक्टरांना मार्गदर्शन केले. डॉ क्षमा अघोर व डॉ तुषार देवरे यांनी सुरेल गाण्यांनी उपस्थितांचे मनोरंजन केले.

प्रमुख पाहुणे डॉ. अशोक थोरात यांनी रुग्णांची काळजी घेताना डॉक्टरांनी स्वतःच्याही आरोग्याची काळजी घेणे किती गरजेचे आहे यावर मार्गदर्शन केले. त्यानंतर अध्यक्ष डॉ. स्वप्नांजली आव्हाड यांनी शाखेच्या वेबसाईटचे अनावरण करून ती प्रक्षेपीत केली. सचिव डॉ महेश मांगूळकर यांनी आभार प्रदर्शन केले. कार्यक्रमाचे सूत्रसंचालन डॉ राजीव पाठक व डॉ मानसी पाटील यांनी केले. यावेळी संघटनेचे पॅट्रन डॉ. कनोजीया, उपाध्यक्ष डॉ. सुनीता देवरे, खजिनदार डॉ सुष्मा भूतडा, सहसचिव डॉ सुशांत जाधव, सहखजिनदार डॉ हनुमंत गिरी व नाशिकरोड येथील अनेक मान्यवर डॉक्टर्स उपस्थित होते.